Шымкент қаласында Рысқұлов – Қонаев көшелерінің қиылысындағы жолайрық құрылысы жүргізілуде. Қазіргі уақытта жаяу жүргіншілер өтетін тоннель бойынша құрылыс жұмыстары атқарылуда. Қала әкімі құрылыс жұмыстарының барысын бақылап көрді.
Қонаев даңғылын тоннель арқылы және Рысқұлов көшесі бойынша толықтай көліктердің қозғалысы ұйымдастырылған. Енді жаяу жүргіншілер үшін қолайлы жағдай жасалады.
Айта кетсек, жыл өткен сайын шаһарда қалаішілік жолдарда көлік кептелісі арта түсуде. Әсіресе, орталық көшелерде иін тірескен автокөліктер тығынын жиі көруге болады. Осы ыңғайсыздықтарды шешу мақсатында қалада бірқатар көшелердің қиылысында жолайрық құрылысы жүргізілуде.
Шымкент қаласы әкімдігінің баспасөз қызметі
