САРЫАҒАШ АУДАНЫ: ЕЛДІ МЕКЕНДЕР СПОРТ АЛАҢШАЛАРЫМЕН ТОЛЫҒУДА

Бүгін аудан әкімі Арман Абдуллаев Құркелес ауылдық округі, Ақүй елді мекеніне арнайы барып, спорт алаңшаласының құрылысымен танысты. Аудан басшысы мердігер мекеме өкілімен кездесіп, құрылыс жұмыстарының барысын бақылады.
– Спорт алаңшасын спортпен шұғылдануға баулып қана қоймай, спорт түрлерінің дамуын жаңа сапалық деңгейге шығаруға, ауыл жастарының бос уақытын спортқа арнауға жақсы мүмкіндік. Сондықтан құрылыс нормативтеріне сәйкес құрылыс жұмыстарын сапалы жүргізу керек –деп аудан әкімі, ауылдық округ әкіміне құрылысты баяндап отыруды тапсырды.
Спорт алаңшасында бірнеше спор түрімен айналысуға арналған аумақтар және арнайы құрал- жабдықтармен жабдықтау, сондай-ақ балалар алаңшасын да орналастыру жоспралануда.
Ал Облыс орталығында тұрғындар жайлылығы үшін жасақталған балалар ойын алаңшасының жалпы саны – 70-ке жуықтады. Өткен жылдың қорытындысымен шаһар 10 балалар ойын алаңшасы және стридворкаудпен толыққан болатын. Биыл жылға 15 нысанда балалар ойын алаңшасын стридворкауд және футбол алаңшасымен бірге жасақтау қарастырылса, қазіргі таңда нақты 10 нысанның құрылысы қарқын алды. Бүгінде аталған жоба аясында жүйелі құрылыс жұмыстары жүруде. Атап айтқанда, А. Байқоңыр, Самал, Қобыз көшелерінде балалар ойын алаңшасы мен стридворкауд жасақталып, жанына футбол алаңшасы да салынды. Сонымен қатар, Ы. Дүйсенбаев, Құлан, Б. Майлин, Д.Нысанбаев көшелері мен №8 мектебі аумағынан ойын алаңшалары мен стридворкаудтар бой көтерді. Одан бөлек, тұрғындар сұранысына сәйкес, №9 Некрасов, №16, №26,№24 мектептері және С.Рахимов мектебі аумағында футбол алаңшасының белгіленіп, құрылыс жұмыстарының 80% жүзеге асып үлгерді. Жалпы, қала аумағындағы алаңшалар тұрақты түрде зерделеніп отырады. Нысандарға жауапты мердігер бір жылдық кепілдік береді. Бір жылдан соң, зақымдалған балалар ойын алаңшасы немесе стридворкаудтар әкімдік тарапынан қайта қалпына келтіріледі. Соңғы зерделеу нәтижесінде жөндеуді қажет ететін бірнеше алаңша анықталған болатын. Атап айтқанда, 2019 жылы қабылданған Жәңгір хан көшесіндегі алаңша, Т.Рысқұлов, Қорқыт ата, Гауһар ана, Б.Майлин көшелері мен Шәуілдір тас жолы аумағында және І-ІІ мөлтек аудандары ауласында жасақталған 4 балалар ойын алаңшалары мен спорт ойын алаңшалары бөлім тарапынан жөнделіп, жаңартылуда.