2023 жылы Түркістан облысының денсаулық сақтау саласының бюджеті – 212,2 млрд. теңгені құраған. Оның 104,8 млрд. теңгесі – кепілдендірілген тегін медициналық көмек пакетіне, 98,4 млрд. теңгесі –МӘМС пакетіне тиесілі. Қаржы көлемі өткен жылмен салыстырғанда 23 пайызға артқан.
– Медицинаны мемлекет тарапынан қаржыландыру жыл сайын артып келеді. Мысалы, биылғы жылы медициналық сақтандырылған түркістандықтарға көрсетілген шұғыл көмекке 8,5 млрд. теңге жұмсалған. Сондай-ақ, қосымша қарастырылған қаржы есебінен Түркістан облысының тұрғындарына сақтандыру пакеті шеңберінде көрсетілген қызметтерге 102,9 млрд теңге төленді. Шығынның басым бөлігі – консультативтік-диагностикалық қызметтерге, стационарлық медициналық көмекке, ауыл тұрғындарына стационарлық және стационарды алмастыратын көмектерге төленген. Одан бөлек, 75 мыңнан астам КТ жасалып, 86 мыңнан астам МРТ қызметіне Қор филиалы 1,3 млн теңге бөлді. Бүгінде емделушілер тарапынан үлкен сұранысқа ие қызметтің бірі – медициналық оңалту, оған 6,1 млн теңге жұмсалды, – деді Нұрлан Икрамұлы.
Сонымен қатар, биыл Түркістан облысында жоғары технологиялардың көмегімен жасалатын оталарға 5,7 млрд теңге жұмсалған. Атап айтқанда, 1 476 кардиохирургиялық және 612 нейрохирургиялық ота жасалып, 2 бүйрек алмастырылған.
Айта кетсек, 2023 жылы емделушілерді тегін медициналық көмек және міндетті әлеуметтік медициналық сақтандыру пакеттері шеңберінде дәрі-дәрмекпен қамтуға 16,6 млрд. теңге бөлінген болатын. Бірінші жартыжылдықта 10,6 млрд. теңгеден астам қаржыға рецепт бойынша тегін дәрі беріліп, 59 түрлі дерт бойынша диспансерлік есепте тұрған науқастарға үлестірілген.Жұмыс берушілер МӘМС-ке қызметкері үшін жалақының 3%-ін аударады. Бірақ салық салынатын ай сайынғы табыс 10 ең төменгі жалақыдан (2024 жылы 850 000 теңге) аспауға тиіс. Яғни жұмыс берушінің аударатын ең жоғары сомасы айына 25 500 теңгені құрайды.
Айта кетерлігі, бұл ақша қызметкердің жалақысынан ұсталмайды, оны жұмыс беруші кәсіпорын есебінен төлейді.Жалдамалы қызметкерлер мен азаматтық-құқықтық сипаттағы шарт негізінде қызмет көрсететін жұмысшылар міндетті медициналық сақтандыруға ай сайынғы табысының 2% мөлшерінде жарна төлейді.
Бұл ретте жарнаның ең жоғары сомасы 17 мың теңгеден аспайды.Бірыңғай төлемді жеңілдетілген декларация және ауыл шаруашылығы өнімдерін өндірушілерге арналған арнайы салық режимі бойынша жұмыс істейтін жеке кәсіпкерлер мен шағын және орта бизнестің заңды тұлғалары пайдаланады.
Жалақыдан ұсталатын бірыңғай төлемге мыналар кіреді:
– міндетті зейнетақы жарналары;
– әлеуметтік аударымдар;
– МӘМС жарналары;
– МӘМС-ке аударымдар;
– жеке табыс салығы.
2024 жылы бірыңғай төлемнің ставкасы еңбекақы төлеу қорының 21,5%-ін құрайды.
Бірыңғай төлемді ай сайын есепті айдан кейінгі айдың 25-інен кешіктірмей, Мемлекеттік корпорацияның шотына бір төлеммен аудару қажет.
