С. Әбдіжаппаров атындағы жалпы білім беретін мектеп жанындағы интернатының 2023-2024 оқу жылында Аудандық санитарлық эпидемиологиялық бақылау басқармасының 26.01.2024 жылы 24-38-06/85-И санды хатына, Бәйдібек аудандының білім бөлімінің 01.02.2024 жылғы №176 санды хатын негізге ала отырып, Қызылша ауруының алдын алу мақсатында білім беру ұйымдарында іс шараларын жүргізу. Мектепте мектеп медбикесі З. Айтжанованың ұйыдастырумен «Қызылшаның алдын алу» тақырыбында сыныптар арасында баяндама оқылып, бейне ролик көрсетілді.
Мектептегі барлық мұғалімдер мен кіші буын қызметкерлерге түсіндірме жұмыстары жүргізілді. Сыныптар арасында жазба жұмыстары алынды. Оқушылар таңертеңгілік сүзгіден өткізіп, олардың сабаққа қатыспау себебін анықтау және сырқаттану жағдайлары туралы тексеріліп отырылды. Сынып бөлмелерін сабақ басталғанға дейін және аяқталғанда желдетумен ылғалды тазалау жұмыстары жасылынуда.
Сынып бөлмелері мен дәліздер залалсыздандыру ертіндісімен жуылып, атқарылған жұмыстарға мектеп басшылығы және медицина қызметкерлері тарапынан бақылауға алынды.Соңғы үш жылда коронавирустан пандемия болғалы халық арасында қызылша мен қызамыққа қарсы егу төмендеді.
Бірқатар көршілес тәуелсіз елдерде соңғы кезде: Ресей, Украина, Қырғызстан, Тәжікстан және т.б. елдерде қызылша ауруы өршуде.
Шымкент қаласында 2021-2022 жылдары қызылша ауруы тіркелмеді.
Осыған орай қырағылық танытып, халық арасында қызылшаның алдын алған жөн!
Қызылша – ауа жолы арқылы өте жылдам таралатын вирусты жұқпалы аурулардың бірі. Бұрын қызылшамен ауырмаған немесе егілмеген адам қызылшамен ауырған адаммен байланыста болса, жұқтырып ауырып қалу мүмкіндігі өте жоғары. 1963 жылы қызылшаға қарсы вакцина егуге және вакцина егу кеңінен тарағанға дейін, қызылша ауруының ірі эпидемиясы 2-3 жылда қайталанып, жылына 2,6 миллионға дейін өлім жағдайлары тіркелген.
Ауру байланыс және ауа арқылы ауа-тамшы жолымен таралады. Вирус сыртқы ортаға ауырған адам сөйлегенде, жөтелгенде, түшкіргенде түкірікпен бөлінеді. Вирустың тез тарайтыны соншалықты, сыртқы ортада тұрақсыздығына қарамастан, ауа толқынымен ғимараттың вентиляциялық жүйесі арқылы таралған жағдайлар да белгілі.
Инкубациялық кезеңнің 2-күні мен бөртпелер шыққаннан кейінгі 4 күн аралығында ауырған адам инфекция көзі ретінде айналадағыларға қауіпті таратушы болады. Ал, 5-күннен бастап, бөртпелері бар адам ауруды жұқтырмайды. Бұл аурумен ауырып жазылған адам өмір бойы иммунитетін сақтайды. Қызылшамен ауырған аналардан туылған балалар 3 айға дейін бұл ауруға шалдықпайды, өйткені осы аралықта олардың қанында анасынан берілген антиденелері сақталады. Бұл аурумен ауырмаған және егілмеген адамдар қызылшаны жұқтыруға бейім болады және өзінің өмірінде кез-келген жаста ауру жұқтыруы мүмкін.
Инкубациялық кезеңі жұқтырғаннан кейін бірінші белгілері пайда болғанға дейін, яғни 7 күннен 14 күнге дейін созылады. Ең маңыздысы – ауру суық тию белгілерімен басталады, белгілері: дене қызуының 38-40 градусқа көтерілуі, әлсіздік, тәбеттің болмауы, құрғақ жөтел, мұрынның бітуі. Кейінірек конъюнктивит (көздің шырышты қабығының қабынуы), беттің шырышты қабығында (азу тістерінің тұсында) ұсақ ақ дақтар пайда болады. Аурудың 3-5 күні ашық түсті бір-біріне өзара ұқсас дақтар пайда болады. Ең алдымен олар құлақтың артында және маңдайда, содан кейін тез арада бет, мойын, дене және аяқ-қолға таралады. Ұсақ қызғылт дақтар тез арада үлкейіп, формасын өзгертіп, бір-біріне қосылады. Бөртпелердің қалың шыққан кезеңінен 2-3 күн өткеннен кейін дене қызуы 40,5 градусқа қайта көтерілуі мүмкін. Бөртпелер 4-7 күн сақталады. Дақтардың орнында қоңыр пигменттер қалады, олар 2 аптадан кейін кетіп, тері қайта таза болады.
Қызылшаның асқынуы: ең көп тараған түрі ортаңғы құлақтың қабынуы (отит), соқырлық, бронхтық пневмония, мойын лимфотүйіндерінің қабынуы, ларингит, энцефалит.
Әрбір суық тиіп мазасызданған сәттен бастап, дер кезінде дәрігерді үйге шақыртып, тексеріліп-қаралу керек. Уақтылы диагноз қойып, ем тағайындап және ұйымдасқан ұжымда тіркелген жағдайда, ауру ошағын бұғаттап, әрі қарай таралуына жол бермеу мақсатында алдын алу іс-шараларын жүргізу маңызды.
