Ордабасы: Баланың психофизикалық дамуын бақылау бойынша семинар өті

Ордабасы аудандық орталық ауруханасының педиатр дәрігері А.Г.Юсупова, аймақтық мейірбике Ж.Қошқарова, Дені сау бала кабинетінің мейірбикесі Н.Шынарбекова ИВБДВ (БЖАЫҚ) бойынша балаларға жедел көмек көрсету, Ерте жастағы балалардың дамуы. Психофизикалық дамуын бақылау тақырыптары бойынша мейірбикелерге семинар өткізді.
ИВБДВ балалардың денсаулығын қорғауға кешенді тәсіл болып табылады, оның басты мәселесі жалпы баланың денсаулығы болып табылады. БЖАЫЖ-ның мақсаты өлім, ауру және мүгедектік жағдайларының санын қысқарту және бес жасқа дейінгі балалардың өсуі мен дамуын жақсартуға жәрдемдесу болып табылады.
Туылғаннан 5жасқа дейінгі балалардың балалық шақтағы ауруларды ықпалдастыра емдеу бағдарламасы бойынша келген балаларды тексеріп,бақылау арқылы ауруын анықтап,баланы емдеп,анаға кеңес беру ,кезекті бақылауға шақыру.
2 айлық пен 5 жасқа дейінгі балалардан мына жалпы қауіп белгілері арқылы анықтаймыз:
-Бала сусын іше алады ма немесе еме алады ма?
-Әр тамақтанудан не сусын ішуден кейін бала құсады ма?
-Балада тырысу болды ма?
Осы сұрақтарды қою арқылы анықтап,тиісті ем шаралар ұсынып,бақылауға аламыз,қайта бақылауға келуге шақырамыз!
Бала психологиясы — жас ерекшелігі психологиясының негізгі бөлімі. Ол адам өміріндегі тұтас бір кезең болып табылатын балалық шақтың психикалық даму заңдылықтарын зерттейді. Жас ерекшелігі психологиясының іргетасы болған бала психологиясы 19 ғасырдың аяғында дербес пән ретінде өмірге келді. Бала психологиясының негізін қалаған — неміс ғалымы В. Прейер. Ол бала психологиясын зерттеуде тұңғыш рет интроспекция әдісінен объективті бақылауға өтуді жүзеге асырды. В. Прейердің “Бала жаны” атты кітабы (1882) — Бала психологиясын жүйелі зерттеуді бастап берген психол. еңбек. Бала психологиясының пәні — балалық шақтағы психикалық дамудың жалпы заңдылықтарын онтогенезде ашу, осы дамудың жас кезеңдері мен оған өту себептерін анықтау. Бала психологиясы үшін басты мәселе — баланың психикалық дамуының факторларын, психикалық даму шарттарын түсіндіру. Психология ғылымында баланың психикалық дамуын түсіндіретін теориялар шартты түрде 2 үлкен бағытқа бөлінеді:
1) биогенетикалық;
2) социогенетикалық.
Бұл бағыттар бір-бірінен бала дамуының негізіне қандай факторды (биологиялық не әлеуметтік) алуымен ерекшеленеді. Бала психологиясы баланың дүниеге келгеннен мектеп бітіргенге дейінгі уақыт аралығын қамтиды (балалар психологиясы, бастауыш сынып оқушылары психологиясы, жасөспірімдер психологиясы, балаң жас психологиясы). Бала психологиясындағы “балалық шақ” ұғымы ғасырлар барысында өзгеріп отырды. Әлеуметтік-мәдени құбылыс болып табылатын “балалық шақ” ұғымы нақты тарихи сипатқа ие. Оның мазмұны қоғамдағы тәрбиелеу жүйесіне, этномәдени ерекшелікке байланысты. Бала психологиясында жалпы психологияның негізгі әдістері жас ерекшеліктеріне орай өзгертіліп қолданылады. Мысалы: бақылау мен эксперимент (лабораториялық, табиғи, қалыптастырушы) және тестер, әңгімелесу, іс-әрекет нәтижесін талдау, т.б. Бала психологиясының қалыптасуы мен дамуына зор ықпалы тигізген ағым — педалогия. Баланы біртұтас зерттеуді мақсат тұтқан педалогия қазіргі Бала психологиясының құрамына енген көптеген ғылыми мағлұматтар мен күні бүгінге дейін маңызын жоймаған психология концепцияларды өмірге әкелді. Бала психологиясының мәселелерін зерттеумен айналысқан орыс психологтарының көрнекті өкілдері осы педалогия саласында қызмет етті