Жастардың қауыпсіздігін және жасөспірімдердің қоғамдық қауіпсіздігін қамтамасыз етуге бағытталған Алтынтөбе Ауыл Округі көлемінде түнгі рейдтік жұмыстар жүргізілуде.
Жасөспірімдер арасындағы қылмыс пен құқықбұзушылықтардың алдын алу, беймезгіл уақытта ата-ана бақылауынсыз үй-жайынан тыс жерлерде компьютерлік ойынханалар мен мейрамханада болуларына тыйым салу,
кәмелеттік жасқа толмаған жасөспірімдерге темекі бұйымдары мен спирттік ішімдік сататын кәсіпкерлік нысандарға тосқауыл қою мақсатында кезекті күндізгі түнгі рейдік жұмыстар атқарылуда.
Жасөспірімдер арасында болатын құқықбұзушылықтар мен кәмелеттік жасқа толмағандарға қатысты қылмыстың алдын алуға және болдырмауға, олардың қоғамдық қауіпсіздігін қамтамасыз етуге бағытталған шара аудан көлемінде бекітілген кестеге сәйкес жалғасады.
Айта кетсек мектеп инспекторлары жиі оқушылармен кездесу де ұйымдастырып тұрады. Сала жауаптылары оқушыларға жасөспірімдер арасындағы қылмыстардың себептері мен олардың салдарлары туралы айтып, заң алдындағы жауапкершіліктің маңыздылығын түсіндірді. Сонымен қатар, темекі тарту, ішімдік ішу және нашақорлықтың адам өміріне тигізетін зиянына тоқталып, оқушыларға қауіпсіздікті сақтау мен дұрыс қарым-қатынас жасаудың маңыздылығы жөнінде кеңестер берді. Кездесу барысында балаларға жолда жүру ережелері, мектепте, көшеде және қоғамдық орындарда тәртіп ережелерін қатаң сақтау қажеттігі ескертілді.
Мамандар мектеп оқушыларына ішімдік пен темекінің зиянын еске салып, олардың зиянды жақтарын түсіндіре кетті. Мамандардың әңгімесін жастар зор ықыласпен тыңдап, көкейлерінде жүрген сұрақтарға жауап алды. Кездесу соңында қонақтар оқушыларға ізгі тілектерін білдіріп, ақ баталарын берді. Бұл кездесу жасөспірімдер арасында құқықтық сауаттылықты арттырып қана қоймай, олардың саламатты өмір салтын ұстануына, тәртіпті сақтауына үлкен үлес қосты. Алдағы уақытта да осындай профилактикалық шаралар жүйелі түрде өткізілетін болады.
