«Nur Otan» партиясы Шымкент қалалық филиалы төрағасының бірінші орынбасары Б.Нарымбетов «Азат» шағын ауданының тұрғындарымен кездесті. Мұндағы инфрақұрылымдық мәселелер шетінен шешіліп келеді. Жыл соңына дейін мұнда жоба бойынша ауыз су құбыры тартылып, сапалы электр қуатын беру үшін желі салынып бітеді. Көгілдір отын да жоспардан бұрын келетін болды. Құрылыс жұмыстары жүргізіліп жатыр. Қыркүйек айында жолдарға асфальт төселеді. Бұл жұмыстар»Nur Otan» партиясы төрағасының бірінші орынбасары Бауыржан Байбектің «Азат» шағын ауданының тұрғындарымен кездескен кезде берілген тапсырмасы аясында жүзеге асырылуда.
Тұрғындарды мазалайтын ең қиын жағдай – ол беттесіп қалған жер учаскесінің құжаттарын реттеп, заңды тұлғаны анықтау болатын. Бұл мәселе Шымкентке жаңа аудандардан жер қосылған кезден келеді. Бүгінгі күнге 29 жер учаскесінің құжаттары тиісті мекемелерге жолданып, шешімін күтіп отыр. Соңғы үкімді сот шығарады.
Кездесу барысында жауапты мамандардың түсіндірме жұмыстарының арқасында даулы 7 учаскенің мәселесі шешілді. Қалған азаматтарға кәсіби түрде құқықтық көмек көрсету үшін «Әділет групп» компаниясы мен тиісті сала өкілдері әр сәрсенбі күні тұрғындармен кездесетін болды.
