Жиынға партия филиалы басшылығы, саяси кеңес бюросы мүшелері, сонымен қатар аудандық партия филиалының белсенділері «Zoom» желісінде онлайн форматта қатысты.
Праймеризге дайындық жұмыстарын пысықтау мақсатында өткізілген мәжіліс барысында «Nur Otan» партиясы Шымкент қалалық филиалы төрағасының бірінші орынбасары Бахадыр Нарымбетов алдағы науқан бойынша атқаралып отырған жұмыстарға тоқталды.
Сонымен қатар, филиал төрағасы праймериздің негізгі мақсаты халықтың арасынан жаңа лидерлерді айқындап, сол белсенділерді «Nur Otan» партиясының тізіміне қосу екендігін атап өтті.
Праймериз 17 тамыз бен 3 қазан аралығында өткізіледі.
Қазіргі таңда Шымкент қаласы бойынша ішкі партиялық іріктеуді ұйымдастыру және өткізуге дайындық науқаны жүйелі түрде жүріп жатыр.
Бүгінде «Nur Otan» партиясы Шымкент қалалық филиалында 47 бастауыш партия ұйымы, 23567 партия мүшесі бар.
Маусым айынан бастап барлық филиалдарда праймериз мәселелері бойынша тұрғындардың сұрақтарына жауап беретін Call – орталықтары жұмыстарын бастап, Жас Отандықтар құрамынан 100 адамнан тұратын волонтерлар пулы жасақталды.
Кандидаттардың үгіт-насихат материалдарын орналастыруға 33 арнайы орын мен 40 жарнамалық құрылғы белгіленді.
Қала бойынша 1 – қалалық, 4 – аудандық ұйымдастыру комитеттері, қалалық 1- есеп комиссиясы, аудандық – 4 есеп комиссиялары және 33 учаскелік есеп комиссиялары құрылып, олардың шекара бөлінісінің картасы жасақталды.
Оның қатарына қала аумағына танымал, белгілі тұлғалар, қоғам қайраткерлері, түрлі санаттағы беделді азаматтар, белсенді жас буын өкілдері тартылған.
Сонымен қатар, қалалық және аудандық ұйымдастыру комитеттері мен есеп комиссияларының ұйымдастырушылық құрылымы бекітіліп, қажетті материалдық-техникалық жабдықтармен толықтай қамтылды.
