Шымкентте бұқаралық спортты дамыту мақсатында тұрғынүй аулаларындағы спорт алаңшалары пайдалануға беріліп, тұрғындардың спортпен тегін шұғылдануына мүмкіндік туып отыр.
Атап айтқанда, Нұрсәт, Тұран шағынаудандары, Достық пен Қайнарбұлақ тұрғын алаптары және Қайнарбұлақ саяжайында орналасқан 10 ашық спорт алаңшасы тұрғындар игілігіне пайдалануға берілді. Мақсат халықтың спортқа деген қызығушылығын арттыру және салауатты өмір салтын қалыптастыруға ықпал жасау. Жалпы бүгінгі таңда Шымкентте жаңартылған спорт алаңшаларының қатары артып келеді. Спорт денсаулық кепілі екендігін ескерсек, ел қамы үшін жасалып жатқан бұл жұмыстардың келешек ұрпақ үшінде маңызы зор. Қаратау ауданында пайдалануға беріліп отырған спорт алаңшаларының қатары тағыда арта түспек.
Құрылыс жұмыстарын «АлемСтрой-1» ЖШС мердігер мекемесі жүргізді.
Спорт алаңшаларына 50 орындық пен 50 қоқыс жәшігі орнатылды. Сондай-ақ, қосымша элементтер ретінде 15 жаттығу тренажеры мен арнайы «Street Workout» жаттығуына арналған спорттық құралдар қойылды.
Шымкент қаласы әкімінің баспасөз қызметі
