Шымкент қаласының барлық аудан аумағында күзгі санитарлық тазарлық жұмыстары кестеге сәйкес атқарылуда. Бүгінгі күнге дейін қала аумағында 17000 метр арық тазалынып, 350 куб метр күл-қоқыс шығарылды. Бұл туралы Шымкент қаласының Ақпараттық-коммуникациялық орталығы мәлімдеді.
Орталықтың мәліметінше, ішкі орам көшелер мен аулаларды санитарлық тазалау, абаттандыру, арық-атыздарды ретке келтіру басты назарда.
Қаратау ауданы аумағында күзгі санитарлық тазалау жұмыстары тұрақты жүргізілуде. Ішкі орам көшелер мен аулаларда қоқыстарды, қураған шөптерді жинау жұмыстары кезекті рет орындалды. Күзгі мезгілде жауын-шашынның көп болуына орай, ауданда арық-атыздарды тазалау да назардан тыс қалған жоқ. Мамандардың пікірінше, ирригациялық тазалау жұмыстары қала аумағында су тасқыны мен селді болдырмауға септігін тигізеді. Мұндай жұмыстар әсіресе көктем және күз мезгілінде назарға алыну тиіс.
Жалпы аудан аумағындағы 24 елдімекенге əкім аппараты тарапынан жауапты мамандар бекітілген. Санитарлық тазалау жұмыстарына жауапты мекеме ретінде «Ақсемсерстройсервис» ЖШС-і бекітілген.
