Құрметті, қала тұрғындары!
Бұған дейін хабарлағанымыздай 9 қарашадан бастап, қоғамдық көлікте жолақысы карта бойынша – 70 теңге, қолма-қол төлеу 100 теңге болғанын хабарлаймыз.
Карталарды қаладағы ірі дүкендер мен автобустардан, ХҚКО және жұмыспен қамту орталықтарынан ала аласыздар.
Егер, картаңыз бола тұра, автобустарда картамен төлем қабылдайтын аппараттарда техникалық ақау болса, Сіз 70 теңге төлей аласыз.
Сондай-ақ, оқушылар мен студенттер және тегін жүретін санаттағы жолаушылар бұрынғысынша студенттік картаны немесе кітапшасын көрсету арқылы жеңілдікпен жүруге мүмкіндігі бар.
Егер сұрақтарыңыз болса, Төлем жүйесінің Call-орталығы 87758112222 нөміріне хабарласыңыздар.
Жүйені енгізудің мақсаты – цифрлық шешімдер мен қолма-қол ақшасыз төлемдерді енгізу, қоғамдық көліктің қызметін жақсарту және жолаушыларға қолайлы жағдай жасау, қалалық бюджетке түсімдерді арттыру.
Аталған жүйе арқылы жолаушылар ағынының статистикалық есебін жүргізуге және нақты деректер арқылы әлеуметтік мәні бар маршруттарды субсидиялауға мүмкіндік туады.
Жоба жеке инвестор «QazSmartTrans» ЖШС-і есебінен іске асырылды. Инвестицияның көлемі 1,2 млрд. теңгені құрады.
