Шымкент қаласы Абай ауданының әкімі Бұхарбай Парманов «Көкбұлақ» тұрғын алабына барып, тұрғындармен инфрақұрылым және интернет мәселесі жөнінде кездесу өткізді. Бұл туралы Шымкент қаласы әкімінің баспасөз қызметі мәлімдеді.
Кездесуге Шымкент қаласы цифрландыру басқармасының басшысы Әсет Әбдіраханов пен қалалық энергетика және коммуналдық шаруашылық басқармасы басшысының орынбасары Нұрлан Жаманкөз де қатысты.
Тұрғын алабтың сапалы ауыз сумен қамтуы туралы Нұрлан Жаманкөз баяндады. Оның сөзінше, жыл соңына дейін ауыз су жүйесінің құрылысы аяқталып, құбыр тарту үшін қазылған жерлер толықтай мердігер мекеме тарапынан қайта қалпына келтіріледі.
Ал, цифрландыру басқармасының басшысы таяуда осы аумаққа базалық станция орнатылып, жыл соңына дейін интернет желісіне қосылатынын мәлімдеді.
Кездесу соңында аудан әкімі Бұхарбай Парманов тұрғындардың талап-тілектерін тыңдауға және оның орындалуын қамтамасыз етуге әрқашан дайын екенін жеткізді. Осылайша Абай ауданы әкімдігі Президент айтқан «Ашық әкімдік» жобасын жүзеге асыруда белсенділік танытуда.
