Бұл туралы Шымкент көлік, коммуникация және жаңа технологиялар колледжінің басшысы «Nur Otan» партиясы Абай аудандық филиалының төраға орынбасары сондай-ақ, коледж ұжымымен болған кездесуде мәлімдеді. . Жиын барысында ҚР Президентінің Халыққа жолдауындағы тапсырмалар аясындағы сапалы білімнің қолжетімділігі талқыланды. Кездесу еркін форматта жүргізіліп, колледж басшысы тақырып аясында баяндама оқыды.
Жыл сайын мемлекет басшысы халыққа Жолдау арнап, халықтың әл-ауқатын жақсарту,ел экономикасын дамытуға байланысты үкіметке нақты тапсырмалар жүктейді. Барлық сала басшылары осы тапсырма аясында жұмыстар жүргізіп, оның орындалуын алдарына міндет етіп қояды. Осы орайда үнемі назарға алынып, жіті көңіл бөлінетін салалардың бірі және негізгісі –білім саласы.
Өз сөзінде Гүлзат Үкібайқызы Искакова «Мақсатымыз – студенттерімізді заманауй құрылғылармен жұмыс істеуге үйретіп, теориялық білімдерін тәжірибемен ұштастырып, кәсіпорында бірден жұмыс істеп кете алатын сапалы маман даярлау», – деп атап өтті.
Расында, қазақ зиялыларының жаңа кезеңдегі жұмысы – ұлт болмысының жаңа қағи¬даттарын орнықтыру. Сондай-ақ, ұлт сапа¬сын арттыруға атсалысу. Ел Президенті атап көрсеткендей жастарға сапалы білім мен саналы тәрбие беріп, ұлт сапасын арттыру – ұстаздар қауымының әрқашанда басты міндеті болып қала бермек.
