18 наурыз – «Игі істер күні» аясында Шымкент қаласындағы көшеге Қазақ радиосының атауы берілді.
Ұлтымыздың үнжариясы, 100 жылдық тарихы бар Қазақ радиосының мерейтойына орай көше атауын беру – Шымкент қалалық мәслихатының отырысында қабылданған шешім. Бұл игі іс Шымкент қаласының әкімі Мұрат Әйтеновтің ұсынысымен, қалалық мәслихат депутаттарының қолдауымен жүзеге асып отыр.
Қазақ радиосы көшесінің салтанатты ашылу рәсіміне Шымкент қаласы әкімінің бірінші орынбасары Шыңғыс Мұқан, қалалық мәслихаттың хатшысы Бахадыр Нарымбетов және Қазақ радиосының сандуғашы атанған белгілі диктор, «Құрмет» орденінің иегері Сауық Жақанова қатысты.
Айта кетейік, бүгін кешке сағат 18:00-де Шымкент қаласындағы Қазақстан халқы ассамблеясы ғимаратында Қазақ радиосының 100 жылдығына арналған арнайы концерттік іс-шара өтеді.
Шымкент қаласының Ақпараттық-коммуникациялық орталы
ғы
