«Шымкент-цирк» МКҚК мерекеге қарсы «Наурыз думан» бағдарламасын ұсынды. Күндізгі бағдарлама балаларға, кешкісі үлкендерге арналған.
Цирк мекемесінің басшысы Нұрлан Ыдырысұлының айтуынша, әртістер «Наурыз-Думанға» бір ай алдын дайындалған. Мерекелік бағдарлама 19-21 наурыз аралығында үш күнге жалғасады. Санитарлық талаптарға байланысты көрермендер орны 30 пайызға ғана толып отырды.
Цирк ұжымы ұсынған «Наурыз думан»бағдарлама аясында акробаттар күн мен түннің теңелгені жайында қойылым қойды. Қажымұқан бабамыздың құрметіне орай қойылым ұйымдастырылып кір тастарын білегінде ойнатып, өгіз көтеріп жас бүлдіршіндерді қызыққа батырды.
Барлық мерекелік қойылымдарды цирк құрамындағы үрмелі аспаптар оркестрі музыкамен сүйемелдеп отырды.
Айта кетейік, биылдан бастап «Шымкент-цирк» мекемесі концерттік бағдарламаларды аңдарсыз ұйымдастыруды қолға алған болатын.
