21 наурыз күні Абай ауданы аумағында орналасқан «Самал-3» 110/10кВА электр тарату қосалқы станциясында өрт шығып, қаланың 21 мың абоненті жарықсыз қалған болатын.
Қазіргі уақытта, орын алған келеңсіз жағдай толық жойылып, барлық шағын аудандарға қайта жарық берілді. (Олар: «Нұртас», «Нұрсәт», «Шымсити», «Нюсити АДЦ», «Солтүстік-Батыс», «Самал-3», «Асар» шағынаудандары, Көкжайлау ТК, Төлеметов көшесіндегі көпқабатты үйлер).
Естеріңізге сала кетейік, өрт орнына төтенше жағдайлар департаментінің 27 қызметкері, «Оңтүстік жарық транзит» ЖШС-нен 15 адам, «Қуат жылу» МКК-дан 22 адам, 14 дана техника шұғыл жұмылдырылған болатын. Электр қуатын іске қосу жұмыстарына барлығы 45 адам тәулік бойы жұмыс істеді.
