Наурыз айы жауын-шашынды болып тұр. Сол себепті де толассыз жауған жауыннан арықтар суға толып, арнасынан асып, кейбір үйлердің аулаларына су кіріп, тұрғындарға қолайсыздық тудырып жатыр. Осыған байланысты мегаполистің төтенше жағдай қызметкерлері күшейтілген жұмыс кестесіне көшіп, жағдайды тұрақты бақылауға алуда.
Ескертетіні, төтенше жағдайларды жою бөлімінің бастығы Төреғали Өркенбаевтың айтуынша Шымкент қаласында су тасқыны жағдайы қалыпты. Наурыз айынан бастап, қазіргі күнге дейін тұрғындардың назарына 11 дауылды ескерту түскен.
Айта кету керек, қала аумағында жалпы ірілі ұсақты 4 бірдей су қоймасы бар. Қазіргі кезде олардағы су деңгейі қалыпты жағдайда. Төтенше жағдай мамандары оған күнделікті мониторинг жүргізіп, су деңгейін бақылауда ұстап отыр. Олардың айтуынша нөсерден келетін қауіптің алдын-алу шараларының арқасында қалаға келер қауіп жоқ.
Айта кетерлігі,синоптиктердің айтуынша биылғы көктемде жауын-шашын мөлшері жылдағыдан мол түскен.
Осыған байланысты қала тұрғындары тазалық шараларын қатаң сақтағандары абзал. Арық-атыздардың қоқыстарға толып қалуына байланысты жауын суы арықтардың ернеуінен асып, көшелер көлшікке айналып, қолайыздық тудырады.
