Шымкент қаласында 526 мектепке дейінгі білім беру ұйымы бар. Қазіргі таңда 2 871 кезекші топта 41 199 (70,3%) бала тәрбиеленуде. Шымкентте демографиялық өсімге сәйкес жаңа балабақшалар ашу қажеттілігі бар. Осыған орай, биыл жеке кәсіпкерлер есебінен 1600 орындық 14 балабақша ашу жоспарланған. Бұл туралы Шымкент қаласы әкімдігінің баспасөз қызметі мәлімдеді.
2021 жылдың қаңтар айынан бастап жан басына қаржыландыру құны әр балаға 37 527 теңге болып белгіленіп, қосымша қаржы қаралды. Өткен жылы 28 350 теңге болған.
Сонымен қатар, жан басына қаржыландыру жүйесі аясында бюджет қаражатын жинақтау, әлсіз деңгейдегі балабақшаларды сапалы балабақшаларға теңестіру мақсатында балабақшаларды біріктіру арқылы класстерлер құру көзделіп отыр.
Қала аумағынан балабақша салам деген кәсіпкерлерге әкімдік тарапынан тиісті қолдау көрсетілуде. Яғни бұл өз кезегінде Шымкент қаласында балалбақшаға деген қажеттілікті азайтуға ықпал ететін болады. Сонымен қатар балабақшалардың сапасы мен санитарлық талаптарға сай келуі жауапты органдардың жіті бақылауында.
