Қалалық цифрландыру басқармасының басшысы Ә.Әбдірахановтың айтуынша, көлік саласын цифрландыру бағытындағы жұмыстарды жандандыру мақсатында 2021 жылға бірқатар жоспарлар және міндеттер қойылып отыр.
Пилоттық режимде IDC компаниясымен бірлесе орталық көшелердің біріне «Ақылды аялдама» орнатылатын болады. Аталған жоба жеке инвесторлар есебінен іске асырылады. Бұл туралы Шымкент қаласы әкімдігінің баспасөз қызметі мәлімдеді.
Аялдаманын сыртында LED экран орнатылып, кез келген жарнаманы немесе қоғамдық көліктердің қозғалысын жария етуге болады. Сонымен қатар, қыс мезігілінде аялдама ішінде температурасы 20 градустан жоғары болса, жаз мезгілінде салқын ауаны ұйымдастыру мүмкіндігі бар.
