Бұл ЖК «Milkhouse» шаруа қожалығы. Асыл тұқымды ешкі шаруашылығымен айналысады. 2019 жылы шаруашылықты ЖК «Алик» деп құрып, сол жылы 100 бас «Заанен» тұқымды сүтті ешкінің асыл тұқымды аналық басын сатып алған. Қазіргі таңда шаруашылықта асыл тұқымды мал басының саны 156 басқа жетіп отыр.
Негізінен ешкі сүті көптеген ауруларға ем және құрамында дәрумендер (витаминдер) жетерлік екенін біреуі білсе, бірі біле бермейді. Міне осы мақсатта шаруашылық алдағы уақытта ешкі сүтінің қасиетін пайдаланып, ешкі сүтінен түрлі өнім түрлерін шығаруды жоспарлап отыр. Онымен қоса, асыл тұқымды ешкінің санын арттыруды жоспарлауда.
Жалпы ешкі шаруашылығы –мал шаруашылығының бір саласы. Ешкіні ет, сүт, түбіт, жүн, тері өндіру үшін өсіреді. Әсіресе лақ, серке еті дәмді, сіңімді келеді. Түбіті мен жүнінен жеңіл, әрі берік орамал, қолғап, басқа да киімдер тоқылады. Ешкі өсімтал келеді, екісінің бірі егізден, үштен лақтайды. Ешкі тұқымын асылдандыру, күтімі мен азықтандыруын дұрыс ұйымдастыру арқылы оның өнімділігін арттырады.
