Шымкент қаласында Африка мен Австралияда ғана мекендеп келген түйеқұсты бағудын бабын тапқан шаруа бар. Ол Сайрам тұрғын алабында орналасқан Ханходжаев Аброрханның шаруашылығы.
Шаруаның айтуынша істің көзін тапқан адамға түйеқұсты өсіру, қолға үйрету аса қиын емес, тез жерсінеді және біздің ауа-райымызға төзімді екен. Еті де, қауырсыны да емге дауа екен, ерекше айтып өтерлігі еті майсыз болғандықтан жүрек ауруына пайдасы өте зор.
Ханходжаев Аброрханмен сала бойынша әңгімелесу барысында алдағы уақытта Өзбекстаннан тағы да түйеқұсты алып келуді жоспарлап отырғанын және санын көбейтіп, өнімдерін сатуды көздеп отырғанын айтты.
Түйқұс туралы қызықты деректерге де тоқтала кетсек. Жалпы түйеқұс-ең ірі жақсы жүгіретін (ұшпайтын) құс, оның биікті 270см, ал салмағы 175 кг дейін жетеді. Жүгіргенде жылдамдығы сағатына 60-70 шақырымға дейін арттыра алады. Дүниедегі ең ауыр құс-түйеқұс. Салмағы өте ауыр, ұша алмйды. Жүгірген кезде атпен қуып жетудің өзі қиын.
