Шымкент қаласының әкімі Мұрат Әйтеновтың тапсырмасына сәйкес, ауыл шаруашылығы саласының алдына қойып отырған міндеттерінің бірі – сүт өндірісін жолға қою болып табылады. Бұл мақсатты қалада жүзеге асыру үшін қажетті факторлардың барлығы бар. Қазірдің өзінде қала тұрғындарының арасында сүтті бағыттағы мал басын өсіру жұмысы қолға алынған.Сонымен қатар сүт өндірісін арттыру бойынша бірқатар ірі жобалар жүзеге асырылуда.
Мәселен өткен жылы сүт өндіруді арттыруда «Бәйтерек» шаруа қожалығы 100 бас сауынды сиырдан 450 басқа, «TURAN Agroproduct» ауыл шаруашылығы өнідірстік кооперативі 350 бастан 600 басқа, ЖК «Еламан» 50 бастан 100 басқа артты.
Бұған қоса жаңадан «SILK WAY SAYRAM» ауыл шаруашылығы өнідірстік кооперативі 250 басқа, ЖК «Эгамназаров» Еуропа елдерінен 70 бас асыл тұқымды (Гольштейн) сүтті бағыттағы сиырларын сатып алып, тауарлы сүт фермасын құрды.
Биыл да сүт өндірісін ұлғайту бағытында жалпы құны 365 млн теңге болатын ірі 2 жоба жүзеге асырылмақ. Бұл Шымкент қаласын өзін-өзі сүт өнімдерімен қамтуға оң әсерін тигізеді.
