Шымкент қаласының әкімі Мұрат Әйтенов энергетика және коммуналдық шаруашылық саласындағы бірқатар құрылыс нысандарын аралады.
Шаһар басшысы алдымен №3 автоматты газ-реттегіш станциясының (АГРС-3) құрылыс барысымен танысты. Құрылысқа жауапты мердігер мекеме – «StroyGazCompany» ЖШС. Жобаның жалпы құны – 9,3 млрд теңге. Бұл туралы Шымкент қаласы әкімдігінің баспасөз қызметі мәлімдеді.
Жалпы газ құбырының ұзындығы – 59,0 шақырым. Бүгінде АГРС-3 нысанының техникалық құрал-жабдықтары 100 пайыз орнатылып, құрылыс-монтаж жұмыстары 96 пайызға орындалды.
Қала әкімі бұл жобаның маңыздылығын, қала тұрғындарына керектігін және қала дамуына әсерін тағы бір түсіндіріп өтті.Егер аталған жоба толығымен жүзеге асатын болса,Шымкент қаласындағы бірқатар шағын аудандар көгілдір отын тапшылығы жойылып, газбен қамтамассыз ету жұмысы жүйеленеді. Бұл жұмыстардың барлығы Президент айтқандай, Шымкент қаласын тұрғындардың өмір сүру үшін қолайлы қалаға айналдыру мақсатында жасалып жатқан іс-шаралардың бір көрінісі.
