Шымкент қаласы, Еңбекші аудананына қарасты Жалын, Жұлдыз, Қарабастау (Жаңақұрылыс) тұрғын алабында, мердігер мекеме «Ынтымақ Бес Арыс» ЖШС-мен 2020 жылдың желтоқсанынан бастап құрылыс-монтаж жұмыстары жүргізілуде. Бүгінгі таңда электр бағаналары орнатылып, кабельдері тартылуда. Жұмыстарды 2021 жылдың қыркүйек айына дейін аяқтап, пайдалануға беру жоспарланып отыр. Бұл туралы Шымкент қаласы энергетика және коммуналдық шаруашылық басқармасы мәлімдеді.
Содан кейін, «ОңтүстікЖарықТранзит» ЖШС-мен әр үйге жеке есеп шот ашып, электр қуатына қосу жұмыстары жүргізілетін болады.
Жұлдыз тұрғын алабын сапалы ауыз сумен қамтамасыз етіу үшін жобалау-сметалық құжаттамаларын әзірлеуге 2021 жылға бюджеттен қаржы бөлінді. Бүгінгі таңда, мемлекеттік сатып алу конкурсы арқылы жобалаушы мекемені анықтау жұмыстары жүргізілуде. Жобалау-сметалық құжаттамаларының әзірленуін ағымдағы жылдың соңына дейін аяқтап, құрылыс жұмыстары 2022 жылы басталатын болады.
Сондай-ақ, аталған елді-мекенді табиғи газ жүйесімен қамтамасыз ету үшін жобалау-сметалық құжаттамасын әзірлеу жұмысы 2021 жылдың соңына дейін аяқталады. Құрылыс монтаждау жұмыстары 2022-2023 ж. жүргізіледі деп жоспарлануда.
