Шымкент қаласындавғы «Зерде-Керамика» ЖШС республика аумағында керамогранит өндіретін жалғыз кәсіпорын болып табылады. «МК-Ceramics» және «ZERDE TILE» сауда маркасымен өнімдер шығарады. Импорталмастыратын өнімдері сапа жағынан шетелдік аналогтарынан қалыспайды. Зауыттың өнімдерін басым бөлігі ішкі нарықтың қажеттілігін қамтамасыз етеді.
Машина жасау саласында трансформаторлар өндіретін «Asia Trafo» ЖШС жаңа зауыт 2019 жылы іске қосылды. Өндірісте Швейцария мен Германияның озық еуропалық заманауи технологиялық жабдықтары орнатылған. Өндірісті басқару жүйесі автоматтандырылған. Компанияның өнімдері барлық еуропалық стандарттарға сәйкес келеді. Өндірілген өнімдердің 60% ішкі, 40% сыртқы нарыққа шығарылады.
Сонымен қатар, сорғы станциялары мен батырмалы сорғылар шығаратын зауыт «Karlskrona LC AB» ЖШС 2011 жылы іске қосылды. Кәсіпорынның өнімдері ішкі нарықтағы тұтынушылары (мұнай және құрылыс саласындағы нысандарында) қолданылады.
Тамақ өнеркәсібінің басты жетістігі – «Рахат Шымкент» кондитер фабрикасына салынған әлемге әйгілі LOTTE трансұлттық компаниясының инвестициялары. Жаңа инвестициялар есебінен фабрикаға еуропалық заманауи технологиялық жабдықтар орнатылып, вафли, печенье және крекер өндірісі игерілді.
