Шымкент қаласының әкімі Мұрат Әйтеновтің төрағалығымен инвестициялық штабтың кезекті отырысы өтті. Жиында «Қарапайым заттар» экономикасы бағдарламасы жобаларының ағымдағы жағдайы мен өңірлік брендті дамыту және жаңа жобалар мен олардың өзекті мәселелері талқыланды. Басқосуға басқарма басшылары және жеке кәсіпкерлер мен инвесторлар қатысты.
Қалалық кәсіпкерлер палатасының директоры Н.Қабыштаевтың айтуынша, «Қарапайым заттар» экономикасы бағыты бойынша 2021 жылы бес жобаны іске асыру жоспарланған. Атап айтқанда, «Каз Энерго-1» ЖШС электр сымдары және кабель өндірісі, «Аянат» ШҚ жылыжай кешені, «Dala construction» ЖШС құрама темірбетон конструкциялар және «Юникс» ЖШС минералды сулар және алкогольсіз сусындар өндіру жобалары жүзеге асырылады.
Қала әкімі «зум» жүйесі арқылы түркиялық «Ozguven» компаниясының басшысымен сөйлесті. Шымкентке инвестиция тарту бойынша әлеуетті компания басшысымен жақын арада кездесуге келісті.
Шымкент қаласы әкімдігінің баспасөз қызметі
