Табиғи газбен қамту бойынша 9 нысанның құрылыс жұмыстары жүргізіледі. Тарқатып айтар болсақ Шымкент қаласында қазіргі таңда, 81 елді-мекеннің 40-ы табиғи газбен қамтылған, 33 елді мекен жартылай қамтылған. Енді 2021 жылы 9 нысанның құрылыс жұмыстары жүргізіледі. Ал 2020 жылы 9 нысанның құрылыс жұмыстары жүргізіліп, жыл қорытындысымен 2 нысанның құрылысы аяқталған болатын. Нәтижесінде қамту көрсеткіші 92,1-ден 92,2 % жетті.
Бұдан бөлек, ПСД дайын 4 жаңа жоба бойынша бюджеттен қаржыландыруға ұсынылады. Яғни Ақтас, Ақтас-2, Ақжар, Арғымақтағы тұрғындар көгілдір отынмен қамтылады.
Жыл қорытындысымен 5 елді мекенде 11 мыңнан астам адам табиғи газбен қамтылады.
Нәтижесінде қамтылу көрсеткішін 92,2%-дан, 93%-ға дейін көтеру жоспарда бар.
Сонымен қатар, қала тұрғындарын табиғи газбен қамтамасыз ету мақсатында, 2022-2024 жылдары даму жоспарына сәйкес, елді мекендердің ішкі жүйелер құрылысын жүргізу жоспарлануда. Нәтижесінде, халықтың экономикалық және әлеуметтік жағдайын жақсартып, ластаушы заттарын ауаға шығуын жояды.
