Шымкент қаласында 2021 жылға жылу саласы бойынша жергілікті бюджеттен бөлінді. Оның ішінде құрылыс жұмыстары Арғынбеков-Еримбетов 1 кезең жұмыстары наурыз айында аяқталады деп жоспарланған болса, Арғынбеков-Еримбетов 2 кезең жұмыстары қазан айында тапсырылады. Ағымдағы жөндеу жұмыстарына қаралған 40 шақырымды қыркүйек айына дейін аяқталғанда, жылу жүйелерінің тозуы деңгейі 38%-дан 37-%-ға дейін төмендейді.
Бүгінгі таңда қаланың 2 жылу қазандығында модернизация жұмыстарын жүргізуге жобалық-сметалық құжаттар дайындалып, мемлекеттік сараптамадан өтуде. Жалпы қорыта айтқанда 2022-2025 жылдары қаланың жылу жүйесін дамыту жоспарына сәйкес, 17 нысанның құрылыс жұмыстарын жүргізу жоспарлануда.
Ал өткен 2020 жылы 15 нысанның құрылыс-жөндеу жұмыстары жүргізіліп, 12 нысанында жұмыстар аяқталған болатын. Нәтижесінде жылу құбырларының тозу деңгейі 42,7 % – 38 %-ға төмендеді.
Қала аумағында 2020 жылдың 15 қазанынан бастап жылу маусымы басталған. Бүгінгі таңда, 1 896 тұрғын үйлер мен 479 бюджеттік мекемелер үздіксіз температуралық кестеге сәйкес, жылу қуатын алуда.
