Шымкент қаласы әкімінің орынбасары М.Айманбетов пен энергетика және инфрақұрылымды дамыту басқармасының басшысы Б.Булатбеков «Бозарық» қосалқы станциясы мен АГРС-3 нысанына барып, құрылыс жұмыстарын бақылады.
Өздеріңізге мәлім, аталған қос нысан қала тұрғындарына қолайлы жағдай жасау үшін аса маңызды. АГРС-3 және «Бозарық» қосалқы сатнциясының құрылыс барысы шаһар басшысы М.Әйтеновтың басты назарында.
Осыған байланысты, қала әкімінің орынбасары мен басқарма басшысы құрылыс жұмыстарын пысықтап, мердігер мекемелерге қос нысанды уақытында аяқтауды тапсырды. Құрылыс нысандарын аралау барысында, орын алған мәселелерді дер кезінде шешіп, қала тұрғындарына қолайлы жағдай жасау қажет екендігін айтты.
Айта кетейік, бүгінде АГРС-3 нысанының техникалық құрал-жабдықтары 100 пайыз орнатылып, құрылыс-монтаж жұмыстары 97 пайызға аяқталып отыр.
Ал, «Бозарық» қосалқы станциясында бірқатар құрал-жабдықтарын орнату жұмыстары аяқталды. Яғни, басты құрал-жабдықтары толығымын жеткізілген. Қазіргі уақытта құрылыс жұмыстарының 95 пайызы аяқталған.
