Айгүл Орынбек боқауыз сөзбен желіде хит болған орынбасарының іс-әрекетінен кейін мектеп директорының жұмыстан босатылғандығын айтып, әділетсіздіктің орын алғанына наразылық білдірді. Белгілі заңгер БАҚ өкілдерін директорға қолдау көрсетуге шақырды. Ол бұл туралы фейсбуктегі жеке парақшасында жариялады.
-Әкімнің бұйрығын орындаған директор кінәлі болып шықты соңында!
Ордабасы ауданы Бадам ауылы Шерімқұлов орта мектеп директоры Ақбөпе Өмірзақ бүгіннен бастап статьямен жұмыстан шығарылыпты!
Зейнеткерлікке бір жыл қалғанда “әкімнің бұйрығын орындадым”, деп ашық айтқаны үшін шығарып отырсыңдар ма Сакен Калкаманов?
Желіде боқ ауыз сөзбен хит болған мектеп директорының орынбасарына шара көрудің орнына, неге директорды қудалап жатсыңдар?
Ұлжан Елмұратованың бұл орынға қалай, кім арқылы келгенін, еңбек өтілін тергеп тексерудің орнына, директорды қудалап жатқандары қалай?Әлде әкімнің орынбасары Азат Оралбаев өз креслосын сақтап қалу үшін, директорды құрбандыққа шалып жатыр ма?
ҚР Бас прокуратурасының назарына /
Ұлттық Қауіпсіздік Комитеті назарына,
ҚР Сыбайлас жемқорлыққа қарсы қызметі /, ҚР Ішкі істер министрлігі / тергеп тексеруді сұраймын!
Бүкіл БАҚ өкілдеріне директор сұқбат беруге ашық!
Директорды қорғап қалайық, әділетті қоғам құрайық! – деді Айгүл Орынбек.
Естеріңізге сала кетейік,бұған дейін Ордабасы ауданы, Бадам ауылындағы Шерімқұлов орта мектебі директорының тәрбие ісі жөніндегі орынбасарының боқауыз сөз айтып, әдіпсіздік танытқан видео жазбасы әлеуметтік желіде кең таралып, көпшіліктің ашуын тудырған болатын.
