Шымкент қаласында 4557 азамат мемлекеттік тұрғын үй қорынан жалға алған баспаналарын кәмелет жасқа толған отбасы мүшелерінің келісімімен және кәмелет жасқа толмағандардың құқықтарын ескере отырып, қалдық құнын төлеу арқылы жекешелендіруге құқылы.
Шым шаhардың коммуналдық тұрғын үй қорындағы 10 көпқабатты тұрғын үйге ағымдағы жөндеу жұмыстарын жүргізу бойынша қазіргі таңда тиісті шаралар қабылданып, жұмыстар жүргізілуде.
Бұдан бөлек, алдағы уақытта Шымкент қаласы бойынша реновациялау бағдарламасы аясында тозығы жеткен және апатты деп танылған баспаналар түбегейлі жаңартылатын болады.
Бұл туралы биыл «Нұрлы жер» мемлекеттік бағдарламасы аясында Шымкент қаласының тұрғын үй қорын реновациялау бағдарламасы жобасы әзірленіп, Шымкент қаласы әкімдігімен арнайы қаулы қабылданды.
