Шымкент қаласы Қаратау ауданындағы Бозарық саяжайы тұрғындарының мәселелері талқыланды. Инфрақұрылымдық дамытудың «Нұрлы жол» мемлекеттік бағдарламаласы аясында, Шымкент қаласы әкімінің шалғай елдімекендерді дамыту жөніндегі тапсырмасына сәйкес, Қаратау ауданы әкімі аппараты қызметкерлері аудан аумағындағы «Бозарық» саяжайының тұрғындарымен кездесті.
Жиын барысында саяжайдың өзекті мәселелері, оның ішінде көшелерге атау беру, асфальт төсеу бойынша өтініштері жан-жақты талқыланды.
Айта кетейік, Бозарық саяжайында 55 көшенің 20 көшесіне асфальт төселген. Аталған бағыттағы жұмыстар алдағы уақытта өз жалғасын табатын болады.
Шымкент қаласы әкімдігінің баспасөз қызметі
