Шымкент қаласында халықтың әл-ауқатын жақсарту мақсатында алдымен жұмыссыз азаматтарды жұмыспен қамту шаралары жүйелі жүргізілуде.
Осыған орай «Еңбек» мемлекеттік бағдарламасы шеңберінде биыл 21 841 адамды жұмыспен қамту шараларына қатыстыру жоспарланып, 2021 жылдың 1 жарты жылдығында нақты 12 654 адам жұмыспен қамту шарасына қатысты.
«Еңбек» мемлекеттік бағдарласы шеңберінде 2017 жылдан бастап кәсіпкерлік негіздеріне оқыту «Атамекен» Ұлттық кәсіпкерлер палатасымен іске асырылады.
«Атамекен» ҰКП Жаппай кәсіпкерлік департаментінің директоры Анастасия Шандрыганың айтуынша оқу қорытындысы бойынша 60 мыңға жуық жұмыс орны құрылды. ҰКП мамандары алдағы жылдары оқуға қатысушылардың бизнес-жоспарларына мониторинг жүргізіп, бизнес ашқандардың 93%-ы тұрақты түрде салық төлейтіні анықталды. 2017-2019 жылдар кезеңі ішінде салық көлемі 1,4 млрд теңгеге жуық соманы құраған.
Қорыта айтқанда 2021 жылдың 1 жарты жылдығында нақты 12 654 адам жұмыспен қамту шарасына қатысты.
