Бүгінгі таңда еліміздің барлық өңірлерінде Білім күні мерекесі ерекше ықыласпен аталып өтуде.
Осы орайда Шымкент қаласында Низамхан жекеменшік мектебі білім күні қарсаңында салтанатты түрде пайдалануға берілді. Салтанатты шараға Шымкент қаласы мәслихатының хатшысы Бахадыр Нарымбетов қатысып ұстаздарды және ата-аналар мен оқушыларды құттықтады. Сонымен қатар Бахадыр Мәдәліұлы Қалада 5 жыл алдын аппатты мектептер саны 4 болған. Бүгінгі таңда апатты мектептер мәселесі толық шешілді.
Апатты болып танылған соңғы осы мектептің орнына жаңа мектеп салынып, пайдалануға берілді. Қалада жаңа оқу жылынан бастап 203 мектеп жұмыс жасайды (152 мемлекеттік, 51 жекеменшік).
Шымкент қаласында сапалы білім беруге жағдай жасау мақсатында 2021-2025 жылдарға арналған кешенді жоспар түзілген. Аталған жоспарға сәйкес, 2025 жылға дейін 72 мектеп құрылысы жүргізілетін болады.
Оның ішінде 2021 жылы 12 714 орынға арналған 23 мектеп пайдалануға тапсырылады.
Нәтижесінде, үш ауысымды мектептер саны 14-тен 9-ға азаятынын жеткізді.
Жаңа мектептің қуаттылығы бір ауысымда 1000 бала қабылдауға арналған. Мектеп жаңа талапқа сай жабдықталған. Мектепте 74 оқу бөлмелері бар. Жаңа үлгідегі биология, физика, химия, информатика, мультимедиялы-лингофонды кабинеттер, интерактивті тақталар, кітапхана, асхана, акт, спорт залдары, спорт алаңы, қыздарға және ұлдарға арналған шеберханалармен қамтылған.
Сонымен қатар, балалардың қауіпсіздігі үшін бейнебақылау жүйелері, турникеттер, дабыл батырмалары және мамандандырылған күзетпен қамтамасыз етілген.
Аталған бағытта мемлекет тарапынан оқушыларымыздың білім алуына жан-жақты қамқорлық жасалуда.
Шымкент қаласы мәслихатының баспасөз қызметі
