Бүгін Шымкент қаласы мәслихатының депутаттары Ғани Қанжігіт, Айжан Наимбекова мен Наргиза Керимбаева мониторингтік жұмыс тобымен бірлесіп Шымкент қаласы Қаратау ауданы аумағындағы атқарылып жатқан жұмыстармен танысты. Арнай топ алдымен Өтеміс тұрғын алабында салынып жатқан балалар ойын алаңшасының құрлысын көзбен көріп, сапасын назарға алды. Мердігер мекемеге кемшіліктерге жол берілмеуін ескертті. Бұдан кейін халық қалаулылары қаладағы №83 және №57 жалпы орта мектептері ауласынан демеушілер есебінен салынып жатқан жаттығу элементтері мен ашық спорт алаңшаларының құрлысымен танысты. Салаға жауапты мамандарға спорт алаңшаларының сапасын қадағалауды қаперлеріне салды.
Нысандарды аралау барысында депутаттар Таскен шағын ауданындағы Пәрмен көшесін жөндеу жұмыстарының куәсі болды. Шымкент қаласында инфрақұрылымды дамытудың «Нұрлы жол» мемлекеттік бағдарламаласы аясында көшенің 1,7 шақырым болатын аумағына орташа жөндеу жұмыстары жүргізілуде. Аталған жұмысты атқару үшін қазынадан 81,9 млн тенге қаржы бөлінген. Жол құрлысымен жіті танысқан депутаттар мердігерге жұмысты жеделдетуді тапсырды.
Халық қалаулылары сондай –ақ аудан аумағындағы абаттандыру және жасыл желекті күтіп ұстау жұмыстарының барысымен танысты. Осылайша арнайы топ жұмыс сапары барысында 6 нысанды аралады.
Алдағы уақытта депутаттар Шымкент қаласындағы өзге де аудандардағы атқарылып жатқан жұмыстарға мониторинг жасайтын болады.
