Шымкент қаласының білім басқармасына қарасты №88 жалпы орта білім беретін мектебінде 2021-2022 оқу жылына карантин талаптарына сәйкес оқу-тәрбие процесінде өз деңгейінде жұмыстар жүргізілуде. Қазіргі таңда мектепалды дайындық, 1-11 сыныптар толығымен оффлайн форматында білім алуда. Мұндай жағдайда барлық санитарлық-эпидемиологиялық талаптар қатаң сақталуы тиіс. Мектепте үнемделген қаржы есебінен санитайзерлер (антисептик), дене қызуын өлшегіш (тепловизор),
бір реттік бетперделер (маска), утилизациялық қорапшалар, дезинфекциялық кілемшелер және кварцтық лампалар алынды. Оқу кабинеттерінде толығымен карантин талаптарына сәйкес жабдықталған. Күнделікті білім алушылардың дене қызуы тұрақты түрде өлшеніп, денсаулығы қатаң бақылауға алынады. Мектепке кірушілер «Ashyq» арқылы кіреді.Мұндай сақтық шаралары пандемия кезеңінде педагогтер мен оқушылардың денсаулығы мен өмір қауіпсіздігін қамтамасыз етуге жағдай жасалған.
