Қазақстан Республикасының білім және ғылым бірінші вице-министрі Каринова Шолпан Таңатқызы Шымкент қаласы Білім басқармасына қарасты Ы.Алтынсарин атындағы 65 мектеп-гимназияда білім саласының қызметкерлерімен кездесті.
Білім ордасындағы оқу-тәрбие үдерісімен, санитарлық талаптардың сақталуымен, оқушылардың қауіпсіз ортасын құру бағытындағы жұмыстармен танысты.
Шолпан Таңатқызы кездесуде дәстүрлі форматта білім беру, оқу бағдарламасы, жаһандық перспективалар, әдістемелік нұсқаулық, білім сапасын көтеру, кәсіби бағдар беру жұмыстарын жүйелі жүргізу, мектеп басшыларын ротациялау, директорлардың аттестациясы, мұғалімдердің біліктілігін көтеру мәселелеріне тоқталып, жиынға қатысушылардың сұрақтарына жауап берді.
ҚР Білім және ғылым министрлігі білім беру саласына қатысты барлық мәселелерді ашық түрде айтуға, қоғаммен ашық байланыс орнатуға дайын екендігін жеткізді.
Шымкент қаласы Білім басқармасының басшысы Тажиева Жанат Арысбекқызы білім беру мекемелерінде жүргізіліп жатқан жұмыстарға тоқталды. Нәтижелі жобалардың қызметімен таныстырды.
Жиынға қатысушылар кездесу соңында Шымкент қаласына арнайы келген Шолпан Таңатқызына алғыстарын айтты.
