Шымкент қаласында ауыл шаруашылығы өнімдерін қайта өңдеу бағытына басымдық берілуде. Қала аумағында көкөніс, бақша дақылдарын қайта өңдейтін зауыттар саны жыл санап арта түсуде. Солардың бірі Шымкент қаласы Абай ауданында бой көтеруде. Алтынтөбе елді-мекенінде орналасқан жеміс-көкөніс өнімдерін қайта өңдейтін кәсіпорын «Алан и Компания» ЖШС-іне тиесілі. Жобаның жалпы құны 1,3 млрд. теңгені құрайды. Жеміс-көкөніс өнімдерін қайта өңдеу зауыты жылына 10 млн. банка консервілейтін болады.
Бұл зауыт жеміс-көкөніс өнімдерін өңдеп, тосап (джем), шырын, сонымен бірге Қазақстандағы «Пектин» ұнтағын өндіріп шығаратын ең алғашқы кәсіпорынның бірі болмақ.
Аталған зауыт Туркия елінің заманауи технологиясымен жабдықталған. Іске қосылуы жыл соңына жоспарланған. Зауыт 30 адамды тұрақты жұмыспен қамтамасыз ететін болады.
