Мен елімнің перзентімін, гүлімін,
Арқа сүйер азаматы, ұлымын.
Еліме мен аямаймын, жұмсаймын,
Ғұмырымның мағыналы шырынын,- деп жырлаған, халқына өмірін арнап өткен күллі ТМД елдеріне белгілі көрнекті мемлекет және қоғам қайраткері Асанбай Асқаровтың туғанына 99 жыл.
Шымкент қаласы білім басқармасына қарасты А.Асқаров атындағы №77 мектеп-лицейінде дара тұлғаның өнегелі өмірі мен қызметін кейінгі ұрпаққа насихаттау мақсатында он күндік декаданың жабылуында қайталанбас тұлғаның өмір жолынан бейнебаян көрсетілді.Оқушылар өз қаламынан туындаған, Асанбай Асқаровқа арнаған арнауларын оқыды. Аға ұрпақтың жүріп өткен жолы, өмірден көргені мен көңілге түйгені, жасаған істері бәрі-бәрі кейінгі толқынға әрі тағылым, әрі сабақ болуы тиіс. Солай еткенде ғана біз ілгері басатын, өсіп өркендейтін ел боламыз. Жасаған игілікті істерін ел ешқашан ұмытпайды.
Кеш соңында мектеп-лицей директоры Аюбаева Толқын Полатбаевна сөз сөйлеп, оқушыларды мақтау қағазымен марапаттады.
