Қазіргі замандағы ғылым мен техниканың даму жағдайында ғылымның әр саласында білім мазмұны мен көлемінің қауырт өсуіне байланысты ЖОО мен мектеп арасындағы сабақтастық оқушылардың танымдық қызығушылығының қалыптасуына тікелей әсер етеді. Сондықтан заман талабына сай маман дайындау жоғары сыныптарда басталып, студенттік кезеңмен ұштасып отырады. Осыған орай, 2021 жылдың 13 қазан күні Орталық Азия университеті мен Шымкент қаласы білім басқармасына қарасты Саттар Ерубаев атындағы №24 ІТ мектеп-лицейі мектеп пен жоғары оқу орындарының сабақтастығы негізінде акредиттеу мен рейтингтеу сараптамасынан өтті. ІТ мектеп-лицей директоры Ж.Т.Нысанбаева мен директордың әдістеме жұмысы жөніндегі орынбасары А.Т.Раева мектептегі іс-тәжірибе алатын студенттердің жұмыс барысымен таныстырды. Акредиттеу және рейтингтің тәуелсіз агенттінің комиссия мүшелері мен Орталық Азия университетінің «Жалпы педагогика және психология» кафедрасының меңгерушісі Г.Ш.Жұмағұлова мектеп-лицей жұмыстарына оң бағасын берді.
Болашақ ұрпаққа білім беріп, тәрбиелеу мектеп мұғалімдері мен ЖОО оқытушыларының ортақ ісі!
