Бүгінгі таңда қаламызда жоспар бойынша бірнеше көшеге орташа және күрделі жөндеу жұмыстары жүргізілуде. Қазіргі таңда шаһарда жол құрылысы қыза түскен. Солардың бірі Ғ.Иляев көшесінде де жөндеу жұмыстары атқарылуда.
Айта кету керек, Ғ. Иляев көшесі көлік ағынының қарқындылығына байланысты магистралды көшелердің бірі болып табылады. Қазіргі уақытта Сасбұқаев көшесінен Бейбітшілік көшесіне дейінгі аралықта, жалпы ұзындығы 2,7 шақырым жолда орташа жөндеу жұмыстары жүріп жатыр.
Жобаның сметалық құжаттарында жалпы аумаққа асфальтобетон қабатын фрезалау, тегістеу және қиыршық тасты мастикалық қоспамен жоғары қабатына төсеу қаралған.
Сонымен қатар көше бойында ені 2 метрлік жаяу жүргінші жолы және Қонаев даңғылынан Бейбітшілік көшесіне дейін 1,5 метрлік веложол салу да жоспарланған.
