Шымкент-Ыстамбұл әуе рейсінің жолаушысы алтын құймаларды алып кетуге тырысты
2023 жылғы 4 мамырда Астана уақыты бойынша сағат 18:10 шамасында «Ауежай-Шымкент» кеден бекетінің мамандары Шымкент Стамбул халықаралық авиарейсіне қатысты кедендік бақылауды жүзеге асыру барысында «Шымкент» шекаралық бақылау бөлімшесінің (авиациялық) Шекара қызметі қызметкерлерімен бірлесе, Шымкент қаласы әуежайының авиациялық қауіпсіздік қызметінің көмегімен Қазақстан Республикасынан заңсыз қымбат металды әкетудің алды алынды және осыған қатысы бар Қазақстан Республикасының азаматын ұстау жүзеге асырылды.
Алтын құймалардың жалпы салмағы 1,434 кг (бір килограмм төрт жүз отыз төрт грамм). ҚР ҰБ ресми бағамы бойынша тауардың алдын ала құны – 41 148 000 теңгені құрайды.
Еуразиялық экономикалық комиссия Алқасының 2015 жылғы 21 сәуірдегі № 30 шешіміне сәйкес құрамында бағалы металдар бар бағалы металдар мен шикізат тауарларына қатысты ЕАЭО кедендік аумағына тауарларды әкелудің және ЕАЭО кедендік аумағынан әкетудің рұқсат беру тәртібі қолданылады.
Осы құқық бұзушылық Қазақстан Республикасы Қылмыстық кодексінің 234-бабының 1-бөлігі бойынша (экономикалық КОНТРАБАНДА, атап айтқанда Еуразиялық экономикалық одақтың кедендік шекарасы арқылы ірі мөлшерде тауарларды немесе өзге де заттарды, оның ішінде кедендік шекара арқылы өткізуге тыйым салынған немесе шектелген тауарларды, заттар мен құндылықтарды өткізу) АТК (КУИ) тіркелді.
Осы факт бойынша материалдар ҚР ҚМА Шымкент қаласы бойынша Экономикалық тергеу департаментіне процестік іс-қимылдар жүргізу үшін жолданды.
