ТҮРКІСТАН: Сарыағаш ауданында үшем дүниеге келді

5 балалы болған соң, сәбилі болуды жоспарламай жүрген. Сарыағаштық 38 жастағы көпбалалы ана Гүлмира Даурбаева үш қызды дүниеге әкелді. Сарыағаштық 38 жастағы көпбалалы ана Гүлмира Даурбаева үш қызды дүниеге әкелді. Нәрестелердің салмағы 2 кг, 2300 және 1900 грамм болды. Батыр анаға дәрігерлер кесарь тілігі арқылы ота жасап, босандырып алған. Қазіргі таңда мерзімінен бұрын туған сәбилердің жағдайы бірқалыпты. Сарыағаштық батыр ана бүгінде 8 баланың анасы атанды. Үшемдерге туыстары Әмина, Сәбина және Медина есімдерін қойған. Батыр ана үшем босанатынын алғаш естіген кезде қобалжығанын айтады. Оның айтуынша, 5 балалы болған соң, сәбилі болуды жоспарламай жүрген. «Күтпеген жерден дәрігерге қаралып, үшемді болатынынымды естігенде басқаша сезімде болдым», – дейді батыр ана. Мерзімінен бұрын дүние есігін ашқан нәрестелерге жансақтау бөлімінің мамандары тарапынан ерекше күтім жасалған. Мәліметтерге сәйкес, №1 облыстық перинаталдық орталықта 2023 жылы 158 егіз бен 2 үшем дүниеге келген.
Өткен жылы тарихи оқиға болды, Еліміздің 20 миллионыншы азаматтары дүниеге келді, босандыру қызметінің дәрігерлері Ұлытау, Жетісу, Атырау, Ақмола және Түркістан облыстарында мерейтойлық балаларды қабылдады.
Мемлекет басшысының тапсырмасын орындау шеңберінде Қазақстан Республикасында ана мен бала денсаулығын сақтау қызметін дамытудың 2024 – 2030 жылдарға арналған «Әрбір әйел – әрбір бала» тұжырымдамасының жобасы әзірленді, оны іске асыру, ең алдымен, жасөспірімдердің денсаулығын: балалар гинекологиясын дамытуды, саламатты өмір салтын насихаттауды, бала туу жасындағы әйелдердің денсаулығын нығайтуды, прегравидарлық дайындық, отбасын жоспарлау, контрацепция.
Сондай-ақ, «Отбасылық ерлі-зайыптылардың денсаулық паспорты» жаңа жобасын әзірлеу және енгізу жоспарлануда, ол некеге тұрғанға дейін қыздар мен ұлдарды ерікті профилактикалық тексеруді көздейді.
Денсаулық сақтау министрлігі биыл Қазақстан Республикасында медициналық-генетикалық көмек көрсетуді ұйымдастыру стандартын, сондай-ақ босандыру бойынша диагностика мен емдеудің 18 басым клиникалық хаттамасын бекітті.
Жыл сайын 400 мыңнан астам жүкті әйел МСАК амбулаториялық қызметінің мамандарында байқалады. Жүкті әйелдердің және жаңа туған нәрестелердің денсаулығын сақтау және патологияларын ерте анықтау үшін 11 млн-нан астам баланы қамтитын скринингтер жүргізіледі: неонаталдық скринингпен 400 мыңнан астам жаңа туған нәресте, психофизикалық – 1,5 млн.бала, аудиологиялық – 2 млн. бала қамтылды, шала туған нәрестелерді ретинопатияға скринингтен 7,5 мыңнан астам жаңа туған нәресте өтті.
Қазақстан Орталық Азияда туғаннан бастап кардиохирургиялық операциялар жүргізілетін жалғыз мемлекет болып табылады. Туа біткен жүрек ақауы бар балаларға 1 732 ашық жүрек операциясы жасалды, оның 75%-ы бір жасқа дейінгі балаларға жасалды.
400 балаға гемопоэтикалық дің жасушалары трансплантатталды, оның 66-сы 2023 жылы жүргізілді. ТМККК шеңберінде «Bonebridge» сүйек өткізгіштік аппаратын кохлеарлық имплантаттау бойынша операциялар енгізілді.