Сайрам ауданы аумағында Қазақстан Республикасы мемлекеттік рәміздері күніне орай «Көк тудың желбірегені» дәстүрлі жалпыұлттық акциясы өтті. Барша Сайрам ауданы тұрғындарын патриоттыққа және мемлекеттік рәміздерімізді құрметтеуге шақырған іс-шараға аудандық «Жастар ресурстық орталығы» коммуналдық мемлекеттік мекемесі мамандары атсалысты.
Аталған акция барысында аймақтағы еңбектеген баладан бастап егде жастағы қарттарымызға көк байрақтарымыз таратылып берілді. Қазақстан Республикасының мемлекеттік рәміздерін көпшілікке кеңінен насихаттау арқылы олардың бойында отансүйгіштік сезімді қалыптастыруға, ұлттық нышандарына деген зор құрметпен, ұлттық рух тұрғысында ыстық ықыласпен қарауға, туған жеріне, еліне деген сүйіспеншілікке баулуға бағытталды.
Айта кетейік, тәуелсіз Қазақстанның жаңа мемлекеттік рәміздері 1992 жылғы 4 маусымда алғаш рет бекітілді. Бүгінде еліміздің біртұтастығын бейнелейтін Мемлекеттік Ту, Мемлекеттік Елтаңба және Мемлекеттік Әнұранымыз егемендігіміздің ажырамас бөлігіне айналды.
1992 жылы Тәуелсіз Қазақ елінің рәміздері ресми түрде белгіленіп, 4 маусым – Мемлекеттік рәміздер күні мерекесі болып бекітілді. Елімізде жыл сайын кең көлемде аталып өтуде. Облыс әкімінің тапсырмасына сәйкес жастарға патриоттық тәрбие беру бағытындағы іс-шаралар жоспарланған. Бүгінгі күні «Айбын», «Жас Ұлан», «Жас қыран», «Ұлттық мектеп лигасы», «Тәуелсіздік қырандары», «Менің Отаным – менің бастамам», «Жас сарбаз», «Балалар шексіз әлемде», «Жас құтқарушы», «Облыс тарихы» керуен шеруі сияқты 10-нан аса жоба іске асырылуда. Сонымен қатар мемлекеттік қызметшілер арасында сауалнама жүргізіліп, жеңімпаздарға жалаушалар сыйға тартылды. Мемлекеттік рәміздер туралы заңнаманы білу бойынша google-нысандар арқылы алынған сауалнама қорытындысымен білім деңгейін көтеруге бағытталған шаралар қабылданып, жергілікті тұрғындар үшін жыл соңына дейін оқыту семинарларын өткізу жоспарланып отыр. Жоғарыда аталған форум ҚР Мемлекеттік рәміздері күнін мерекелеу бойынша іс-шаралар жоспарына сәйкес ұйымдастырылған.
