Көршілес Ордабасы ауданы, Төрткөл ауылының тұрғыны, 19 жастағы жас кәсіпкер Жұмабай Бақберген бүгінде ауылшаруашылық саласын қолға алып, оның ішінде үйрек бағуға ден қойған. Ол «Атамекен» Ұлттық кәсіпкерлер палатасының Ордабасы аудандық филиалында «Еңбек» бағдарламасы аясында «Бастау бизнес» жобасы арқылы өз кәсібін бастауға қайтарымсыз 505 000 теңге алып, өз шаруашылығын дөңгелетіп отыр.
Қазіргі уақытта 140 үйрек баптап бағып, алдағы уақытта шаруашылығын кеңейтуді жоспарлап отыр. Жас кәсіпкер өзімен үзеңгілес замандастарына үлгі болуда. Алдағы уақытта да бүгінгі нарық заманына бейімделіп, әрі қарай шаруашылығын кеңейту мақсатында «Атамекен» ҰКП Ордабасы аудандық филиалы директоры мен менеджерлерінің сүйемелдеуімен жеңілдетілген несие алуға ниетті екенін білдірді.
Қуаныш ТАСЫБАЕВ.
