Шымкент: 90 жастағы әжей пневмониядан жазылып шықты

Шымкент қаласында 90 жастағы әжей пневмониядан жазылып шықты. Қария кісі өкпесінің екі жақты пневманиясымен жансақтау бөлімінде емделген болатын.
90 жастағы қала тұрғыны ауыр халде кардиологиялық орталыққа жедел жәрдеммен жеткізілген. Науқасты тексерген мамандар оның өкпесінің зақымданғанын анықтап, екі жақты пневмония диагнозын қойған. Денсаулық жағдайының ауырлауына байланысты дәрігерлер әжейді бірден жансақтау бөліміне жатқызған. Мұнда науқасқа емдеу хаттамасына сәйкес медициналық көмек көрсетіледі. Нәтижесінде қарт кісінің денсаулығы жақсарып, 28 шілде күні ауруханадан шығарылды.
Дәрігерлер 90 жастағы қарияның қазіргі жағдайы жақсы дейді. Ал әжей медицина мамандарына алғысын білдіріп, батасын берді.
Айта кетейік, Шымкент қаласында COVID-19 вирусын жұқтырған азаматтардың саны бүгінде 4 708 құраса, оның ішінде 2 938 азамат емделіп шықты. Маусым айының алғашқы бес күнінде 84-100 вирус жұқтырғандар немесе өсімі 2,5-3 пайызды құраған болса, өткен тәулікте 54 вирус жұқтырған науқас тіркелді.