Шымкентте covid-19 жұқтырғандардың репродуктивтілігі – 0,62% құрайды. Бұл республикадағы ең жақсы көрсеткіштердің бірі болып саналады.
Бұл жайлы қала әкімінің бірінші орынбасары Шыңғыс Мұқан өзінің әлеуметтік парақшасында жазды. Бұл туралы Шымкент қаласы әкімінің баспасөз қызметі хабрлады.
Шымкент қаласы әкімінің бірінші орынбасары Шыңғыс Мұқанның айтуынша, ковидпен күресте сүйенетін ең маңызды көрсеткіш – Rt санының репродуктивтілігі. Мұнда R – вирус жұқтырған адамның басқа адамдармен байланыс саны. Көрсеткіш 1 пайыздан көп болса, вирус таралуы жоғары деңгейде, ол көрсеткіш 1 пайыздан төмен болса, вирус жұқтыру төмен деңгейде деген сөз.
Айта кету керек, Шымкент қаласы әкімдігінде Мұрат Әйтеновтің тікелей басшылығымен коронавируспен күрес бойынша арнайы штаб құрылған болатын. Штаб мүшелерінің қатарында – денсаулық сақтау, полиция және қалалық басқармалардың өкілдері бар. Аталған штаб күн сайын covid-19 індетінің таралуы, жұқтырғандардың репродуктивтілігі туралы мониторинг жасап, зерделеу жұмыстарын жүргізеді.
