Шымкент қаласында қонақ үй Әл-Фараби атындағы жекеменшік мектебі болып ашылды. Бұл туралы Шымкент қалалық білім басқармасының басшысы мәлімдеді. Фейсбук әлеуметтік желісінде тікелей эфирге шыққан Жанат Арысбекқызы, қонақ үйді мектепке айналдырған кәсіпкерге өз алғысын білдірді.
Жанат Тәжиева
Шымкент қалалық білім басқармасының басшысы:
Бүгінгі күні сол Оңтүстік қонақ үйі Нұрсат мөлтек ауданында жолдың бойында керемет мектепке айналды. Дәл сондай үлгідегі дәл сондай керемет ішіндегі жиһаздарымен шетелде осындай мектептерді мен көргенім бар. Дегенмен де бұл өте көңілге қуаныш ұялатады.Мен өзім бірінші кезекте осы лицензия алған жағдайда осындай тойханаларды мектеп жасауға жеке кәсіпкерлер арнайы лицензиясын алып ашатын болса, тек алғыстан басқа ешнәрсе айта алмаймыз. Себебі ол жерде жекеменшік кәсіпкерлік иелері білім алу үшін барлық мүмкіндікті жасап отыр. Егер лицензияланған мекемелер болса ол заң талаптарына сәйкес деген сөз.
«Егер сіз жекеменшік мектеп ашсаңыз әрбір балаға жан басына шаққанда қаржылдандыру жүйесіне сәйкес қаржыландырылатын болады. Сондықтан өзіңіздің бизнесіңізді осы салада ашсаңыз сізге үлкен-үлкен мүмкіндік болатынын айта кеткім келеді»-деді Жанат Тәжиева.
Бүгінгі таңда Шымкент қаласында 19 мектеп 3 аусымда білім береді.
