Шымкентте жыл басынан бері мемлекеттік атаулы әлеуметтік көмек 28 мыңға жуық отбасыға берілді.
Мәселен Шымкент қаласы жұмыспен қамту және әлеуметтік қорғау басқармасының мәліметіне сәйкес қарайтын болсақ, тұрмысы төмен санатындағы тұрғындарға 11 млрд. теңге көлемінде көмек көрсетілген. Ал биылғы жылға бұл мақсатқа 17,4 млрд. теңге бөлінген. Республика бюджетінен – 16,4 млрд. теңге және қалған қаражат жергілікті бюджет есебінен қаралған.
Жалпы кепілдендірілген әлеуметтік пакетпен «Магнум» сауда орталығы арқылы 25700 бала толығымен қамтамасыз етілгендігін айта кету керек. Жыл басынан бері 1-3 жас аралығындағы балаларға – 61 959 пакет азық-түлік жиынтығы, 3-6 жас аралығындағы балаларға – 74 990 пакет азық-түлік жиынтығы, 1-6 жас аралығындағы балаларға– 31 921 пакет тұрмыстық-химия жиынтығы үлестіріліп отыр. Міне осылайша Шымкентте 28 мыңға жуық отбасы атаулы әлеуметтік көмек алды.
Шымкент қаласы әкімінің баспасөз қызметі
