Шымкент қаласының барлық аудан аумақтарында қысқы жылыту маусымында қауіпсіздік шараларын сақтау бойынша ақпараттық-түсіндірме жұмыстары жалғасын табуда.
Осы мақсатта Әл-Фараби ауданында газдан уланудың алдын алу жөнінде аудан тұрғындарына кезекті түсіндірме жұмыстары жүргізілді.
Аудан әкімдігі тарапынан әлеуметтік тұрмысы төмен отбасылардың үйлеріне «Газосигнализатор» құрылғысын орнату жұмыстары жүргізілді. Биыл ауданда демеушілер тарапынан 137 үйге аталған құрылғы орнатылған.Бұл туралы Шымкент қаласы әкімінің баспасөз қызметі мәлімдеді.
Төтенше жағдайлар департаменті мамандарының айтуынша, дабыл қаққыш құрылғы газдан уланудың алдын алады.
Қалада жалпы 300-ге жуық үйге газосигнализатор құрылғысы орнатылды.
Мамандар қала тұрғындарына газ қазандықтары мен жылыту пештерін пайдалану кезінде қауіпсіздік шараларына жіті мән беруді ескертеді. Өйткені жылыту маусымында газдан уланы салдарынан қайғылы жағдайлар көптеп орын алалды. Газосигнализатор құрылғысын орнату адам өмірінің қауіпсіздігін сақтауға ықпат етеді. Сондықтан мамандар аталған құрылғының тиімді екендігін айтуда.
